Kupu whakataki

Ka tonoa koe ki te whakaae ki ēnei ture whakamahi ina tono ana koe i tētahi tuakiri kua manatokona. Me pānui ērā, me mārama hoki ki a koe. Ki te kōwhiri koe ki te koke tonu me tō tono, me te whakaae ki ēnei ture, ka tū mai ngā ture whakamahi hei whakaaetanga i waenganui i a koe me DIA mō te whakamahinga o tō tuakiri kua manatokona.

E whakahaeretia ana ēnei ture whakamahi me tō whakamahinga o tō tuakiri kua manatokona e te ture o Aotearoa. Mātua rā, ka whakahaeretia e te Electronic Identity Verification Act 2012 (te Ture) te whakamahinga o te ratonga (e kīia ana i roto i te Ture ko te "Service" me te "Electronic Identity Verification Service") me ngā tuakiri kua manatokona (e kīia ana i roto i te Ture ko ngā "electronic identity credentials").

Ka hāngai hoki te Ture ki:

  • ngā tuakiri katoa kua manatokona (atu i tētahi kua mōnehu, kua whakakorea rānei) i tukuna i mua i te rā i mana ai te Ture, ā,
  • ngā tono katoa i tētahi tuakiri kua manatokona kua tukua, engari kāore i whakaaetia, kua whakanautia, kua unuhia rānei i mua i taua rā.

Ka aro ēnei ture whakamahi ki ngā take i raro nei:

  • te whakamahinga o tō tuakiri kua manatokona
  • ō mātou takohanga ki a koe
  • ō takohanga ki a mātou
  • tā mātou tiki pārongo whaiaro ina tono koe i tētahi tuakiri kua manatokona
  • te panonitanga, te whakarerenga, te tārewatanga, te whakakorenga rānei o tētahi tuakiri kua manatokona
  • ngā tautohe
  • ngā whakaritenga whakaehu
  • ngā panonitanga ki ngā ture whakamahi me te tauākī tūmataiti.

Te whakamahinga o tō tuakiri kua manatokona

Ka wātea mai ngā tāngata katoa ki te tono i tētahi tuakiri kua manatokona hei whakamahi mā te ratonga RealMe. Mēnā he iti iho ō tau i te 13, me mātua whakaae tētahi o ō mātua, kaitiaki ā-ture rānei ki tō tono.

E pai ana anake tō whakamahi i tētahi tuakiri kua manatokona mēnā i tukua ki a koe. Hei matua, hei kaitiaki rānei o tētahi tamaiti, me kaua koe e whakamahi i te tuakiri kua manatokona o tō tamaiti mō tētahi take, ahakoa he aha. I raro i te Ture, he hara te whakamahi i te tuakiri kua manatokona o tētahi atu.

Ka noho mana tonu tō tuakiri kua manatokona mō te wā i whakaritea e te ture (ka whakaaturia te rā mōnehu ki tō pūkete RealMe tuihono).

Kia mōhio koe kāore koe e whai tika ki te whiwhi i tētahi ratonga nā te tukunga o tētahi tuakiri kua manatokona ki a koe. Ko te māraurau ki ngā ratonga ko tētahi take mā te kaiwhakarato ratonga e whai wāhi mai ana e hāngai ana. Ka noho whāiti te tūnga o tō tuakiri kua manatokona ki te manatoko tuihono i tō tuakiri ki ngā kaiwhakarato ratonga pērā.

Ō mātou takohanga ki a koe

Ka whakatinana mātou i te āta whakaaro, i ngā pūkenga hoki e tika ana

Ka whakatinana mātou i te āta whakaaro, i ngā pūkenga hoki e tika ana hei:

  • whakarato i te ratonga manatoko tuakiri,
  • whakarite kia noho haumaru tonu i te tomonga kāore i whakamanatia ngā pārongo kaiwhakamahi katoa e rokirokitia ana i te ratonga,
  • whakarite e tika ana ngā mahi a te ratonga ki ngā take i whakaahuaria i tēnei pae tukutuku, ā,
  • whakarite kua whakahoungia ngā pārongo i tēnei pae tukutuku, ā, e tika ana hoki.

Ahakoa e whakaae ana mātou ka taunaha pea a DIA ki ētahi ngaronga tōtika, whakakino rānei ka pā ki a koe mā tā mātou korenga ki te whakatinana i te āta whakaaro, i ngā pūkenga hoki e tika ana i kōrerotia i runga ake nei, atu i ngā ture i tukua mai e te ture tē taea te awere, kāore a DIA e taunaha ana ahakoa te take (tae atu ki te tūpato kore) ki te ngaronga kāore i te tōtika, ki te ngaronga putanga rānei, mō te ngaronga o te monihua, o te ara wātea, o te moni whiwhi, o ngā moni penapena rānei ka pā ki a koe e hāngai ana ki tō whakamahinga i tō tuakiri kua manatokona.

Ki te whakamahi koe i tētahi kaiwhakarato i kopoungia e DIA ki te tono i tētahi tuakiri kua manatokona (tae atu ki te hopu whakaahua i ngā toa hoa patui o RealMe) kāore taua kaiwhakarato me ōna hoa piri, ōna kaihautū, ōna āpiha me ōna kaimahi (ngā kiri kua tukua) e noho taunaha ahakoa te take (tae atu ki te tūpato kore) ki tētahi ngaronga kāore i te tōtika, ki te ngaronga putanga rānei, ki te ngaronga o te monihua, o te ara wātea, o te moni whiwhi, o ngā moni penapena rānei ka pā ki a koe e hāngai ana ki tō whakamahinga o tō tuakiri kua manatokona.

E whakaae ana koe ko ngā kiri kua tukua he kaiwhiwhi painga kiritoru o ēnei ture whakamahi, ā, kei ia kiri kua tukua te mana ki te uruhi i ēnei ture whakamahi ki runga i a koe.

Mā mātou koe e āwhina

Mā mātou koe e āwhina i roto i tō whakamahinga o tō tuakiri kua manatokona. Whakaratoa ai e mātou te Taupaepae Āwhina RealMe ki te mahi pērā.

Ka uru atu pea ā mātou kaimahi ki ō pārongo pūkete hei āwhina i a koe. E pai ana hoki tā rātou ui ki a koe mō tō ingoa kaiwhakamahi RealMe, mō ētahi taipitopito rānei mō tō tono, mō tō tuakiri kua manatokona rānei hei āwhina i a koe. Ki te kore ngā pārongo pēnei e tukua ki ā mātou kaimahi, e kore pea rātou e āhei ana te āwhina i a koe. Heoi, kia mōhio mai koe, ka kore rawa ā mātou kaimahi e tono i tō kupuhipa, i tō PIN rānei i a koe, ā, me kaua koe e tuku i aua pārongo ki a rātou.

Ō takohanga ki a mātou

Ko te take o ō takohanga ki a mātou, kua whakatakotoria ki raro nei, ko te pare i te tūtahi, i te haumarutanga hoki o tō tuakiri kua manatokona.

Me mārama ki a koe ki te kore koe e whakamana i ō takohanga, ka āhei pea ngā kiritoru ki te kawe i ngā mahi ko te āhua nei e kawea ana mōu, e puta ai pea te ngaronga ki a koe, ki ētahi atu tāngata rānei, ā, ka ngana pea ērā atu tāngata ki te whakarite kia noho haepapa ko koe.

E whakaae ana koe ka pēnei koe:

  • kāore koe e whakamahi, e whakamātau rānei ki te whakamahi, i runga i te mōhio, i runga rānei i te pokerenoa tētahi tuakiri kua manatokona mō tētahi take kāore i takunetia, tae atu ki te take takahi ture ahakoa he aha taua take, ā,
  • me whakamōhio wawe koe i te Taupaepae Āwhina RealMe ki te mōhio koe, ki te whai take rānei koe ki te whakapono kua tū mai, ka tū wawe mai rānei te whakamahinga tinihanga, te whakamahinga takahi ture atu anō rānei o tō tuakiri kua manatokona, ā,
  • kaua e tuku i te ata, i te hopunga ataata rānei he mea tātari, he mea takatā, he mea raweke, he mea auwaha rānei. Kei roto i tēnei ko te whāngai ataata kua haukotia, kua rāwekewekehia rānei e ngā pūmanawa kiritoru (hei tauira, ko te whakakorenga o te papamuri , ko ngā tātari paraihe kōkōhau).

I raro i te Ture, he hara te whakamahi i tētahi tuakiri kua manatokona kua tukuna ki tētahi atu tangata.

Tā mātou tiki pārongo whaiaro ina tono koe i tētahi tuakiri kua manatokona

Details on how we collect, store, and use your personal information are set out in the Identity Verification Service privacy statement. By applying for a verified identity and agreeing to these terms of use, you are confirming that you have read and agree to that statement. As such, please ensure you have read and are comfortable with it before agreeing to these terms of use.

Arā ētahi horopaki e tīkina ai, tērā pea e tīkina ai rānei e mātou te pārongo whaiaro e pā ana ki a koe i riro mai, i whakaputaina ai rānei e DIA, e ētahi atu tari rānei i mua atu:

  • These checks are undertaken using identity-confirmation and approved information-sharing agreements, authorised by the Electronic Identity Verification Act and the Privacy Act 2020.
  • Ka tīkina e mātou, ka hihiratia hoki, ō pārongo whaiaro e puritia ana e DIA, e tari kē atu hoki hei manatoko i tō tuakiri, hei whakarite e noho tika tonu ana, e noho hou tonu ana hoki tō tuakiri kua manatokona, hei whakarite hoki kāore i a koe te neke atu i te kotahi tuakiri kua manatokona.
  • Information may be obtained from DIA’s passports and citizenship databases; the Birth, Death, Name Change, Marriage and Civil Union registers; and immigration records held by the Ministry of Business Innovation and Employment (MBIE) under the Customer Nominated Services Approved Information Sharing Agreement. This can include your name, any name changes, date and place of birth, gender, photograph, application documents, and unique identifiers such as passport, citizenship, immigration, or birth registration numbers.
  • E pai ana tā mātou uru ki ngā matohi, ki ngā whakatūpato rānei mai i ngā pātengi hekenga a DIA, i a MBIE hoki hei whakaū mēnā rānei e hāngai ana ērā ki tō tuakiri.
  • If you supply a Kiwi Access card, firearms licence or driver licence, we will verify your details against records held by Hospitality New Zealand, the New Zealand Police or the New Zealand Transport Agency (NZTA). These agencies will confirm only whether information provided matches their records and may also advise us of the status of those records, such as whether a driver licence has expired. For driver licences, NZTA will provide us with a copy of your driver licence image for comparison.
  • We may obtain information at any time from DIA’s registers to ascertain whether changes are required to your identity, such as whether you are recorded as having died. In addition, the Registrar-General of Births, Deaths and Marriages may release restricted name change and restricted sex information to us for the express purpose of checking that you do not already have a verified identity issued to you in a different identity.

Te rokiroki me te whakamahi i ō pārongo whaiaro

Oti ana te waihanga i tō tuakiri kua manatokona, ka rokiroki mātou i tō ingoa, i tō ira tangata, i tō rā whānautanga, i tō wāhi whānautanga, i tō whakaahua hoki.

When you use the RealMe service to verify your identity with a participating service provider, it is some or all of these attributes that, with your consent, are released to that service provider.

Whakamahia ai e mātou ō taipitopito whakapā mō te take o te whakawhiti kōrero ki a koe, e hāngai ana ki te tukanga tono, i muri ake rānei. Whakamaharatia ai koe e mātou ki te whakahou i tō tuakiri mā te wāhitau īmēra tono tino hou e puritia ana e te Tari mōu, mai i tētahi tono i te uruwhenua o Aotearoa, i te kiriraraunga o Aotearoa, i te tuakiri kua manatokona rānei.

Te panonitanga, te whakarerenga, te tārewatanga, te whakakorenga rānei o tētahi tuakiri kua manatokona

Ka whakatakotoria e te Electronic Identity Verification Act ngā take e taea ai tō tuakiri kua manatokona te panoni, te whakarere, te tārewa, te whakakore rānei.

Ko te tikanga, e pā ana ngā take ki ngā panonitanga, ki ngā hapa rānei i roto i ngā pārongo tuakiri matua, ki te matenga o tētahi tangata i tukuna tētahi tuakiri kua manatokona ki a ia, ki te huringa tuakiri, ki te tūhuratanga, ki ngā take e whai take ana rānei kia whakapono kua mahia e tētahi tangata tētahi hara, ki te tukunga rānei o tētahi tuakiri kua manatokona i runga i te whakaaturanga, i te whakapuakitanga rānei he mea teka, he mea tinihanga rānei.

Ki te hiahia koe ki te arotake i ēnei take me ngā tukanga e pāhono mai ana, tēnā pānuitia ngā wāhanga 32-36 o te Ture.

Ngā tautohe

Mēnā he tautohe tāu ki a mātou e pā ana ki ēnei ture whakamahi, ki tō tuakiri kua manatokona rānei, me mātua whakapā tuatahi atu koe ki te Taupaepae Āwhina RealMe. Whakapau kaha ai kōrua ko te Taupaepae Āwhina RealMe ki tērā ka taea i runga i te ngākau pono ki te whakatau i te tautohe. Ki te kore e taea e kōrua ko te Taupaepae Āwhina RealMe te whakatau i te tautohe e ea ai koe, e pai ana tō tono i te Taupaepae Āwhina RealMe ki te whakapiki i te tautohe ki te māngai a DIA e tika ana.

Kātahi ka whakapā wawe atu mātou ki a koe, ā, ka ngana mātou ki te whakatau tahi ki a koe i te tautohe. Mēnā, whai muri i te whakapikinga pērā, kāore anō te tautohe kia tau e ea ai koe, ka taea e koe te kawe i ngā mahi ā-ture e tika ana ki ō whakaaro, pērā i te tuku amuamu ki te Kaitiaki Mana Tangata, i te tīmata rānei i ngā whakawātanga ā-ture.

Ngā whakaritenga whakaehu

Te manakore, te kahakore rānei

Mēnā ko tētahi, ko ētahi rānei o ēnei ture whakamahi, ko te whakahāngaitanga o ēnei ki tētahi tangata, ki ētahi horopaki rānei e whakawātia ai, ahakoa te whānui, he mea manakore, he mea kahakore rānei:

  • kāore te toenga o ēnei ture whakamahi, te whakahāngaitanga rānei o aua ture whakamahi ki tētahi atu tangata, ki ētahi atu horopaki rānei, e pāngia,
  • ka noho mana tonu, ka noho tonu hoki hei mea uruhi, ia ture, ki te whānuitanga e whakaaetia ana e te ture, ā,
  • ka tohua te ture manakore, kahakore rānei kia panonitia hei whakaata, ki te tata e taea ana, i te takune tūturu (e ai ki te whakatauranga mai i tēnei pae tukutuku).

Minors' Contracts Act 1969

Mēnā, i raro i te Wāhanga 2, Wāhanga Āpiti 6 o te Contract and Commercial Law Act 2017, ka whakawāngia ko tētahi, ko ētahi rānei o ēnei ture whakamahi kāore i te tōkeke, i te whaitake hoki, ka tohua taua ture, taua here rānei kua panonitia e pā ana ki te kaiwhakamahi e hāngai ana hei whakaatu i te takune tūturu (e ai ki te whakatauranga mai i tēnei pae tukutuku), ki te tata e taea ana, engari kia tōkeke, kia whaitake hoki, ā, i ngā horopaki katoa, e ai ki ngā ture e hāngai ana.

Ngā panonitanga ki ngā ture whakamahi, ki te tauākī tūmataiti hoki

E pai ana tā mātou whakahou i ēnei ture whakamahi, i tā mātou tauākī tūmataiti hoki, ahakoa āhea, ā, ki te kore te panonitanga kōhukihuki e hiahiatia ana, ka ngana ai mātou ki te whakairi i tētahi pānui ki te pae tukutuku o RealMe e whakarāpopoto ana i ngā panonitanga i te kotahi marama i te itinga iho i mua i te whakatinanatanga o ngā panonitanga.

E wātea mai ana tētahi rārangi o ngā huringa i tēnei pae tukutuku: Rārangi o ngā huringa – RealMe

Mā tō whakamahi tonu i tō tuakiri kua manatokona mā te ratonga RealMe i muri i te rā whakatinana o ngā panonitanga ka whakamahia e mātou ki ngā ture whakamahi, ki te tauākī tūmataiti hoki, mā roto i tō takiuru ki te ratonga RealMe me te uru atu ki tō pūkete RealMe, e tohua ai tō whakaae ki aua panonitanga.