RealMe services
Ko ngā tari kāwanatanga anake e āhei ana ki te tuku i te ratonga takiurunga RealMe, engari e wātea ana te tuakiri kua manatokona e RealMe ki ngā pakihi, ki te Kāwanatanga anō hoki. Ka taea e mātou te āta kōrero ki a koe mō ngā āhuatanga o te whakauru i a RealMe ki tō ratonga tuihono, mō te utu, mō tā mātou tautoko haere tonu anō hoki.
Ngā painga o te whakarato i te ratonga takiuru RealMe
Mō ngā tari Kāwanatanga, mā te takiuru RealMe e tere, e māmā, e haumaru hoki te takiuru ki tō ratonga - kāore he take ki te haumi ki tō ake ratonga hāpono. Ko te painga ki ō kaiutu, ki ō kiritaki hoki, kotahi noa te ingoa takiuru me te kupuhuna hei whakamahi, ka mahue te whai i ngā ingoa takiuru maha mā tēnā, mā tēnā o ngā ratonga.
E rima ngā take hei kōwhiri i te tuakiri kua manatokona e RealMe
- Kāore koe e mate ki te kawe i ngā hihira tuakiri ā-ringa, ki te kohi me te tukatuka rānei i ngā tuhinga ā-pepa.
- He tere – ka taea e ō kaiutu me ō kiritaki te hāpono tere, ā-tuihono hoki i ō rātou tuakiri, me te kaha o te whakatūturutanga.
- He haumaru, ka parea hoki te tūmataitinga – e whakaae ana ō kaiutu me ō kiritaki ki te tiri i ō rātou pārongo tuakiri, ā, ka tukuna anake e mātou te mōkito o ngā pārongo whaiaro e hiahiatia ana.
- Mā konei e whakaitia ngā hapa tāurunga raraunga me ngā utu e pā ana ki ngā hihira ā-ringa i te tuakiri.
- Āwhinatia ai tō whakahaere ki te whakatutuki i ō koutou herenga tautuku ā-ture. E herea ana e ngā waeture o te Anti-Money Laundering and Countering Financing of Terrorism Act (2009) kia manatoko ngā pakihi maha o Aotearoa i te roanga o te ingoa, i te rā whānau hoki o ā rātou kiritaki i mua i te hokohoko ki a rātou. I tēnei wā, ko RealMe anake te ara e whakaaetia ana mō te tautohu i ngā kiritaki mā te whakamahi i te manatoko ā-hiko i Aotearoa.
Ko ngā tari e whai wāhi mai ana ki te tuakiri kua manatokona e RealMe
E whakauruuruhia ai te ratonga manatokona e RealMe ki ā koutou ratonga tuihono me noho koutou hei 'tari e whai wāhi mai ana', i raro i te Electronic Identity Verification Act 2012 (Ture Manatoko Tuakiri ā-Matihiko o 2012).
Kua whai wāhi aunoa ngā tari katoa o te rāngai tūmatanui.
Ko ngā tari anō e whai wāhi mai ana ko:
- ngā kaiwhakarato KiwiSaver
- ngā kaiwhakarato inihua
- ngā pēke me ngā hinonga ahumoni (tae rā anō ki ngā kaiwhiwhi kuhu-moni ehara rātou i te pēke, arā ko ngā NBDT)
- ngā kaitohutohu ahumoni
- ngā kaipupuri raihana mō ngā ratonga tauhokohoko
- ngā whakahaere mātauranga me te whakangungu
- ngā kaiwhakarato ture me te whakawhiti papanoho
- ngā kaiwhakarato kaute
- ngā pakihi papanoho
- ko ngā whakahaere katoa e rārangitia nei ki te rārangi “Whakaaetia” (Tūhono ki te kōnae)
He ngāwari ake ināianei ko te kimi whakaaetanga hei tari e whai wāhi mai ana, kāore e matea tonutia tētahi tukanga ā-ture.
Mēnā he whakahaere rāngai tūmataiti koutou, ā, kāore koutou e noho ana i raro i tētahi o ngā karangatanga kua whakaaetia o runga nei, tēnā, īmēra mai mātou ki: business@realme.govt.nz hei tono mai.
E hīkaka ana koe ki te whai mōhio atu anō?
Kōrero ki tō mātou rōpū ki business@realme.govt.nz
Torohia rānei tā mātou pae tukutuku hangarau mā ngā kaiwhakawhanake ki te rapu i ētahi atu kōrero mō te whakauru i RealMe ki ō mahi tuihono.