Ka whakarāpopototia e tēnei whārangi ngā huringa kua mahia i roto i te wā ki:

  • ngā ture whakamahi me te tauākī tūmataiti RealMe; ā,
  • ngā ture whakamahi me te tauākī tūmataiti a te ratonga manatoko tuakiri.

Kia mōhio mai, i te whakarewatanga o te ratonga RealMe i Hūrae i te tau 2013, kua noho kē te "igovt logon service" (ratonga takiurunga igovt) o mua hei wāhanga o te ratonga RealMe, ā, ināianei e mōhiotia ana ko te "ratonga takiurunga RealMe".

Ahakoa i tōna wā i aro atu ngā ture whakamahi me te tauākī tūmataiti a te ratonga manatoko tuakiri i te ratonga takiurunga igovt me te ratonga manatoko tuakiri igovt, mai i te Hūrae i te tau 2013 kua arohia anake e ērā te ratonga manatoko tuakiri. E aro ana ngā ture whakamahi me te tauākī tūmataiti a RealMe ki te ratonga RealMe, arā, ko te ratonga takiurunga a RealMe me te ratonga manatoko RealMe.

Nā konei, ka kitea e koe kei roto i ngā huringa o mua ki ngā ture whakamahi me te tauākī tūmataiti manatoko a te ratonga manatoko tuakiri, arā, i mua i te Hūrae 2013, ngā huringa ki ngā take e hāngai ana ki te takiurunga. Mai i te Hūrae i te tau 2013, ka whakamahia aua momo huringa ki ngā ture whakamahi me te tauākī tūmataiti a RealMe.

Te hītori o ngā huringa ki ngā ture whakamahi RealMe

16/03/2018: Ngā huringa ki ngā Ture Whakamahi RealMe

  • Te whakakorenga o New Zealand Post Limited hei kaiwhakarato i a RealMe
  • Te whakamārama e pai ana tā ngā kaiwhakarato pārongo kiritoru whakarato i ā rātou ake ratonga tautoko. Kāore a RealMe i te noho haepapa ki aua ratonga
  • Te whakaurunga o te whakaaetanga pūmau kia maumahara ai a RealMe ki tō whakaaetanga ki te tiri pārongo ki tētahi kaiwhakarato ratonga e whai wāhi mai ana
  • He whakahounga ki Te urunga, te whakamahinga rānei he mea takahi ture, kia kōrerotia te Contract and Commercial Law Act 2017, Wāhanga 2 Wāhanga Āpiti 1
  • Te whakamārama me kawe ngā tautohe e hāngai ana ki ngā kaiwhakarato pārongo kiritoru ki tērā kaiwhakarato pārongo
  • He whakahounga ki te wāhanga Minor's Contract kia kōrerotia te Wāhanga 2, Wāhanga Āpiti 6 o te Contract and Commercial Law Act 2017 

10/09/2014: Ngā huringa ki ngā ture whakamahi RealMe kia:

  • whakaata i te whakaurunga o tētahi PIN i runga i te kōwhiri, me ngā kawenga haumarutanga e herea ana mō tērā, e whakaaheingia ai ngā kaiwhakamahi ki te whakahou tuihono i ā rātou kupuhipa
  • mauhanga i te whakamahinga pea o Google Authenticator hei whakaputa i ngā waehere RealMe, tae atu ki ētahi atu mahi e tūtohungia ana e whakahaumaru ai ngā kaiwhakamahi i ā rātou pārongo

01/07/2013: Te putanga tuatahi o ngā ture whakamahi RealMe. Ngā ture whakamahi RealMe:

  • te whakauru, ā, i ētahi wā, te whakaraupapa i ngā ture e hāngai ana ki te takiurunga i roto i ngā ture whakamahi igovt o mua
  • te tuhi e whakaratohia ana te ratonga RealMe e Te Tari Taiwhenua (DIA) rāua ko New Zealand Post Limited (NZ Post)
  • te whakamahi i tētahi raupapa huringa hei whakaata i te huringa o te parani mai i te ratonga takiurunga igovt ki te ratonga takiurunga RealMe (i roto nei kua noho te Taupaepae Āwhina o mua hei Taupaepae Āwhina RealMe, ko ngā waehere igovt kua noho hei waehere RealMe, ko ngā maimai igovt kua noho hei maimai RealMe)
  • te whakamārama he ture motuhake e hāngai ana ina hiahia te tangata ki te tono i tētahi tuakiri kua manatokona e igovt, i tētahi wāhi noho kua manatokona rānei e NZ Post
  • te whakauru me te noho haepapa ki te pūkete kua manatokona e RealMe, ki te ratonga manatoko RealMe, ki tā te ratonga manatoko RealMe wāhi hei tiki i ngā tuakiri kua manatokona e igovt me ngā wāhi noho kua manatokona e NZ Post)
  • te whakakore i te kawenga kia auau tā te tangata panoni i tāna kupuhipa (e anganui ana te ratonga RealMe ki tēnei here i te taumata hangarau).

Te hītori o ngā huringa ki te tauākī tūmataiti RealMe

04/07/2022: Ngā huringa ki te Tauākī Tūmataiti RealMe

  • ngā huringa hei whakangāwari i te reo me te whakangāwari ake i te pānui
  • ngā huringa e whakauru ana i te urunga pātene kotahi hou ki te Whakahaere i Taku Pūkete 

12/04/2021: Ngā huringa ki te Tauākī Tūmataiti RealMe

  • ngā huringa ki te rokirokinga i tēnei wā o ngā pārongo ki te kapua
  • ngā huringa ki ngā pihikete
  • ngā huringa ki te urunga ki ngā pārongo i mua i te 1 o Hānuere i te tau 2018

16/03/2018: Ngā huringa ki te tauākī tūmataiti RealMe:

  • Te whakakorenga o New Zealand Post Limited hei kaiwhakarato i a RealMe
  • Te whakaata i te wāhi ki a RealMe hei takawaenga o ngā pārongo kua manatokona i waenga i ngā kaiwhakarato pārongo me ngā kaiwhakarato ratonga e whai wāhi mai ana

02/12/2014: Ngā huringa ki te tauākī tūmataiti RealMe kia:

  • whakaata i ngā huringa ki ngā ingoa o ngā pihikete e whakamahia ana e ngā ratonga RealMe

10/09/2014: Ngā huringa ki te tauākī tūmataiti RealMe hei:

  • whakaata i te whakaurunga o tētahi PIN i runga i te kōwhiri
  • whakaata i te whakamahinga pea o Google Authenticator

17/07/2014. Ngā huringa ki te tauākī tūmataiti RealMe hei:

  • tuhi e pai ana tā mātou whakamahi i ngā pārongo i tukua e ngā kaiwhakamahi hei whakawhitiwhiti kōrero ki a rātou mō ngā ratonga RealMe
  • whakamōhio atu ki te manuhiri o te pae tukutuku ngā pārongo tatauranga ka kohia pea mō tōna toronga mai, me te āhua ka whakamahia pea aua pārongo

01/07/2013: Te putanga tuatahi o te tauākī tūmataiti RealMe. Te tauākī tūmataiti RealMe:

  • tuhi e pai ana tā mātou whakamahi i ngā pārongo i tukua e ngā kaiwhakamahi hei whakawhitiwhiti kōrero ki a rātou mō ngā ratonga RealMe
  • whakamōhio atu ki te manuhiri o te pae tukutuku ngā pārongo tatauranga ka kohia pea mō tōna toronga mai, me te āhua ka whakamahia pea aua pārongo

01/07/2013: Te putanga tuatahi o te tauākī tūmataiti RealMe. Te tauākī tūmataiti RealMe:

  • e whakauru ana, ā, i ētahi wā, e whakaraupapa ana i ngā ture e hāngai ana ki te takiurunga i roto i te tauākī tūmataiti igovt o mua
  • e whakamārama ana i te ratonga RealMe, i tōna aronga hoahoa e aro pū ana ki te tūmataiti, i tana pāhekoheko hoki ki te ratonga manatoko tuakiri igovt me te ratonga manatoko wāhi noho a NZ Post
  • e whakamāramatia ana he tauākī tūmataiti motuhake e hāngai ana ki tā DIA aro atu ki ngā pārongo whaiaro ki te manatokonga tuakiri igovt, ā, ki te aronga o NZ Post ki te pārongo whaiaro ki tōna ratonga manatoko wāhi noho
  • e whakamāramatia ana ka mauhangatia ngā raraunga toronga pae ina whakamahi ana te tangata i te ratonga takiurunga RealMe, ina uru atu ana rānei ia ki tāna pūkete kua manatokona e RealMe
  • e whakaahuaria ana ngā pārongo ka kohia e DIA mā te ratonga pūkete kua manatokona e RealMe, ka tukuna atu hoki ki taua ratonga
  • e whakaahuaria ana te pārongo ka tukuna e te ratonga takiurunga RealMe ki te ratonga manatoko tuakiri igovt hei whakaahei i taua pūnaha ki te whakawhiti kōrero ki ngā kaiwhakamahi
  • e tuhia ana, ina whakamahi te tangata i te ratonga RealMe hei manatoko i te tuakiri, i te wāhi noho rānei, ka whakaputaina e te ratonga RealMe ētahi pihikete tāpiri e rua kāore i te pūmau
  • e whakamāramatia ana ngā ara e taea ai e te tangata te uru me te whakatika i ngā pārongo whaiaro mā te ratonga RealMe.

Te hītori o ngā huringa ki ngā ture whakamahi ratonga manatoko tuakiri

18/08/2024: I whakakorengia ngā tohutoro ki te hongere tono-tahi (co-apply) (te whiwhi i tētahi tuakiri kua manatokona e RealMe i te wā kotahi e whakahoungia ana tō uruwhenua) nā te mea kua wetongia tēnei kōwhiringa.

21/03/2022: He huringa ki ngā ture whakamahi o te ratonga manatoko tuakiri hei tāpiri ki te wāhanga "Ō takohanga ki a mātou" ētahi kōrero pēnei mō te tuku atahanga, ataata rānei:

  • kaua e tuku i te ata, i te hopunga ataata rānei he mea tātari, he mea takatā, he mea raweke, he mea auwaha rānei. Kei roto i tēnei ko te whāngai ataata kua haukotia, kua rāwekewekehia rānei e ngā pūmanawa kiritoru.

8/05/2020: Ngā huringa ki ngā ture whakamahi ratonga manatoko tuakiri hei:

  • whakakore i te kōrero mō Kiwibank/PostShops hei kaiwhakarato kiritoru.

16/03/2018: Ngā huringa ki ngā ture whakamahi ratonga manatoko tuakiri:

  • Te aukati i te taunaha ki te ngaronga o te hua, o te ara wātea, o te moni whiwhinga, o te pūtea penapena rānei mā ngā kaiwhakarato i kopoungia e DIA e whakamahia ana ina tono ana i te tuakiri kua manatokona
  • He whakahounga ki te Minor's Contract kia kōrerotia te Wāhanga 2, Wāhanga Āpiti 6 o te Contract and Commercial Law Act 2017

03/12/2015: Ngā huringa ki ngā ture whakamahi o te tuakiri kua manatokona hei:

  • tapa anō i te 'pūkete kua manatokona e RealMe' ko te 'pūkete RealMe'
  • whakamārama i ngā pārongo ka tonoa pea e te Taupaepae Āwhina RealMe hei āwhina i tētahi kiritaki

23/05/2015: Ngā huringa ki ngā ture whakamahi igovt hei:

  • whakakore i te kupu 'igovt' hei whakaahuatanga o te ratonga manatoko tuakiri
  • tuhi e pai ana te hopu i ngā whakaahua e te whānui ake o ngā kaihopu whakaahua kua whakaaetia
  • whakauru me te whai whakaaro ki ngā tono tuakiri kua manatokona ka taea te whakaoti i te wā tonu e whakahou tuihono ana te tangata i tāna uruwhenua pakeke o Aotearoa
  • whakaata i ngā huringa i whakamahia ki te tukanga whakahou tuakiri kua manatokona
  • āta tautuhi i ngā tari o nāianei e pai ana mā DIA te whakaū i ngā pārongo whaiaro ki a rātou
  • whakamārama i ngā pārongo ka taea e te tangata te tiro mō tōna tuakiri kua manatokona

10/09/2014: Ngā huringa ki ngā ture whakamahi RealMe hei:

  • whakaata i te whakaurunga o tētahi PIN i runga i te kōwhiri, me ngā kawenga haumarutanga e herea ana mō tērā, e whakaaheingia ai ngā kaiwhakamahi ki te whakahou tuihono i ā rātou kupuhipa
  • mauhanga i te whakamahinga pea o Google Authenticator hei whakaputa i ngā waehere RealMe, tae atu ki ētahi atu mahi e tūtohungia ana e whakahaumaru ai ngā kaiwhakamahi i ā rātou pārongo

01/07/2013: Ngā huringa ki ngā ture whakamahi igovt hei:

  • whakakore i ngā ture e hāngai ana ki te ratonga takiurunga (kua arohia ināianei e ngā ture whakamahi RealMe) me te whakaraupapa, te whakamārama rānei i ētahi ture o nāianei
  • whakaata i te āhuatanga nei e uruhia ana te ratonga manatoko tuakiri igovt mā te ratonga RealMe
  • tapa anō i te "igovt ID" hei "igovt verified identity" (tuakiri kua manatokona e igovt)
  • tuhi kua huri te Taupaepae Āwhina hei Taupaepae Āwhina RealMe
  • whakauru i tētahi wāhanga hou mō te panonitanga, te whakarerenga, te tārewatanga, te whakakorenga rānei o te tuakiri manatoko igovt o te tangata, te kōrero tauwhiti ki ngā whakaritenga e hāngai ana i roto i te Electronic Identity Verification Act 2012
  • panoni i te tukanga mō te panoni i ngā ture whakamahi igovt.

8/04/2013: Ngā huringa ki ngā ture whakamahi igovt hei:

  • whakaata i te whakatinanatanga o te Electronic Identity Verification Act 2012 me ētahi o ōna whakaritenga
  • whakamārama ka taea e te tangata te whai i te igovtID kotahi anake
  • tuhi i ētahi wā ka whakahaere tētahi kaiwhakarato ratonga e whai wāhi mai ana i te Taupaepae Āwhina mā ōna ake kiritaki
  • mauhanga i ētahi atu pūtake ka taea e te ratonga manatoko tuakiri igovt te tiki pārongo whaiaro ina tukatuka ana i ngā tono i ngā igovt ID, ka tirohia rānei e te ratonga manatoko tuakiri igovt hei whakaū mēnā rānei e herea ana ētahi panonitanga ki ngā taipitopito o te tangata ki tōna igovt ID, mēnā rānei kua mate te tangata
  • tuhi i ētahi horopaki ka tono pea a DIA i te tangata ki te whakaae kia whakaūngia e DIA ngā taipitopito o taua tangata ki ngā taipitopito e puritia ana e tari kē atu
  • tuhi i te āheitanga o DIA ki te whakatārewa, ki te mono rānei i te igovt ID o tētahi tangata mēnā e whakapaetia ana e DIA i tukuna, i whakahoutia, i panonitia rānei i runga anō i te whakaaturanga hē, i te tinihanga rānei
  • tuhi e pai ana tā DIA whakamōhio atu ki ngā tari i reira whakamahia ai e te tangata tana igovt ID mō te whakatārewatanga, mō te whakakorenga rānei o te igovt ID, mō tētahi atu panonitanga rānei ki te tūnga o taua igovt ID
  • panoni i te whiti o ngā panonitanga, me te tuhi kua kitea ināianei tētahi hono ki te rārangi o ngā huringa ki ngā ture whakamahi me te tauākī tūmataiti i te hiku o te pae tukutuku
  • mauhanga i ētahi atu huringa tuhituhi paku.

16/05/2011: Ko te huringa ki ngā ture whakamahi igovt ko:

  • te tāpiri i Ngā Mahi Tūtohu hei tohu atu kia kaua e tiria tētahi wāhitau īmēra i kōwhiria mō te whakamahinga ki igovt ki ētahi atu tāngata.

25/11/2009: Ko te nuinga o ngā huringa ki ngā ture whakamahi igovt nā:

  • te tapa anō mai i ngā Ture me ngā Here ki ngā Ture Whakamahi
  • te whakangāwari i te ihirangi kia māmā ake ai te mārama ki tērā
  • te whakauru i te Ratonga Manatoko Tuakiri (IVS) hei wāhanga o te igovt.

25/11/2009: Ko te nuinga o ngā huringa ki ngā ture whakamahi GLS nā:

  • te huri i te GLS ki te parani ratonga takiurunga igovt
  • te whakaurunga o tētahi waehere igovt takiurunga haumarutanga tāpiri mā te pātuhi
  • te whakawhitinga o te pupuritanga o te GLS mai i Te Kawa Mataaho ki Te Tari Taiwhenua, i te 1 o Hūrae i te tau 2009.

Te hītori o ngā huringa ki te tauākī tūmataiti ratonga manatoko tuakiri

15/01/2025: Ngā panonitanga ki te tauākī tūmataiti ratonga manatoko tuakiri:

  • he huringa i roto i te tukanga: "ka taea e te Rēhita-Tianara o ngā whānautanga, ngā matenga me ngā mārenatanga te tuku i ngā pārongo panoni-ingoa whāiti me ngā pārongo ira tangata whāiti ki a mātou mō te take e āta whakapuakina ana o te hihira kāore anō tētahi tuakiri kua manatokona kia tukuna ki a koe i roto i tētahi tuakiri kē". E pēnei ana hei whakarite kia kaua e neke atu i te kotahi te tuakiri kua manatokona e tukuna ki ia tangata.

28/02/2022: Ngā panonitanga ki te tauākī tūmataiti ratonga manatoko tuakiri:

  • I whakahoungia te Privacy Act 1993 ki te Privacy Act 2020

24/11/2020: Ngā panonitanga ki te tauākī tūmataiti ratonga manatoko tuakiri:

  • I whakakapia te Public Records Act ki te Electronic Identity Verification Act i te kōwae whakamutunga - Te porowhiu i ō mauhanga tuakiri kua manatokona (Disposal of your verified identity records).

20/07/2020: Ngā panonitanga ki te tauākī tūmataiti ratonga manatoko tuakiri:

  • i whakakorengia ngā kōrero mō te taupānga RealMe Now, mō ngā PostShops me Kiwibank, mō te kāri 18+ hoki.
  • i whakahoungia te takotoranga o ngā kupu hei whakauru i te tukanga hopu whakaahua ā-ipurangi

15/04/2018: Ngā panonitanga ki te tauākī tūmataiti ratonga manatoko tuakiri:

  • te whakahou i te wā pupuru raraunga mō te taupānga RealMe Now
  • i tāpirihia tētahi wāhanga mō te kohinga me te whakamahinga o ngā pārongo tatauranga

16/03/2018: Ngā huringa ki te tauākī tūmataiti ratonga manatoko tuakiri:

  • Te whakaae ki te tiki pārongo whakapā mō ngā take o te whakahaere i te uiuinga whakatutukinga me te taumahinga ki te kōwhiri ki te karo
  • Te whakamārama i te take o te hopunga whakaahua, o te hopunga ataata hoki o te taupānga RealMe Now me tōna wā pupuri raraunga
  • Te whakaaetanga tōmua ki te tiri pārongo ki tētahi ratonga e whai wāhi mai ana. Ka tukuna atu ngā pārongo tuakiri ki te ratonga e RealMe ina oti ana te manatoko e te IVS
  • E pai ana te tuku i te ingoa me te rā whānau ki te ratonga kua whakaaetia tōmuatia mēnā kua angitu te whakatutuki i te tūhono āhukahuka ā-kanohi mā te taupānga RealMe Now

03/12/2015: Ngā huringa ki te tauākī tūmataiti o te tuakiri kua manatokona hei:

  • tapa anō i te 'pūkete kua manatokona e RealMe' ko te 'pūkete RealMe'

23/05/2015: Ngā huringa ki te tauākī tūmataiti o te tuakiri kua manatokona hei:

  • whakakore i te kupu 'igovt' hei whakaahuatanga o te ratonga manatoko tuakiri
  • tuhi e pai ana te hopu i ngā whakaahua e te whānui ake o ngā kaihopu whakaahua kua whakaaetia
  • whakauru me te whai whakaaro ki ngā tono tuakiri kua manatokona ka taea te whakaoti i te wā tonu e whakahou tuihono ana te tangata i tāna uruwhenua pakeke o Aotearoa
  • whakaata i ngā huringa i whakamahia ki te tukanga whakahou tuakiri kua manatokona
  • āta tautuhi i ngā tari o nāianei e pai ana mā DIA te whakaū i ngā pārongo whaiaro ki a rātou
  • whakamārama i ngā pārongo ka taea e te tangata te tiro mō tōna tuakiri kua manatokona

01/07/2013: Ngā huringa ki te tauākī tūmataiti igovt hei:

  • whakakore i ngā whakaritenga e hāngai ana ki te ratonga takiurunga (kua arohia ināianei e te tauākī tūmataiti RealMe) me te whakaraupapa, te whakamārama rānei i ētahi ture o nāianei
  • whakamārama i te pānga o te ratonga manatoko tuakiri igovt ki te ratonga RealMe, ā, ka ahatia ina whakamahi te tangata i te ratonga tuihono a tētahi kaiwhakarato ratonga e whai wāhi mai ana e hiahiatia ai te manatokonga tuakiri
  • whakaata i te āhuatanga nei e uruhia ana te ratonga manatoko tuakiri igovt mā te ratonga RealMe
  • tapa anō i te "igovt ID" hei "igovt verified identity" (tuakiri kua manatokona e igovt)
  • tuhi kua huri te Taupaepae Āwhina hei Taupaepae Āwhina RealMe
  • tuhi e tono ai tētahi tangata ki tētahi tuakiri kua manatokona e igovt me mātua toro atu taua tangata ki tētahi Post Shop e whai wāhi mai ana kia hopungia tētahi whakaahua (ka mahue te toro atu ki tētahi tari o DIA mō te take nei)
  • tuhi, hei wāhanga o te tukanga tono, ka tonoa pea ngā tāngata ki te tuku i ētahi atu tuhinga ki a NZ Post, ā, ka taea ēnei tuhinga te matawai me te tuku ki a DIA tahi ki te tono a te tangata
  • whakamārama i ngā pārongo ka tonoa te tangata kia tāuru ki tētahi rorohiko ina tono ana i tētahi tuakiri kua manatokona e igovt, i runga anō i te pūtake o te taunakitanga tuakiri e whirinakihia ana e te tangata
  • whakamārama i te whakahaerenga o te tuakiri manatoko igovt a te tangata mā te ratonga RealMe.

8/04/2013: Ngā huringa ki te tauākī tūmataiti igovt hei:

  • whakaata i te whakatinanatanga o te Electronic Identity Verification Act 2012 me ētahi o ōna whakaritenga
  • whakaata i te tūnga mai o te ratonga manatoko tuakiri igovt kua whakatinanatia katoatia (i mua i tēnei i whakahaeretia e DIA tētahi whakatinanatanga whakamātau)
  • tuhi kua pai ināianei tā te tangata tīmata i tāna tono igovt ID i ngā rorohiko katoa, te whakamārama i ngā nekeneke o tērā, me te tuhi kātahi me mātua toro atu te tangata ki tētahi tari o DIA kia hopungia tētahi whakaahua
  • whakaatu i ngā huringa, i whakamahia hoki ki ngā Ture whakamahi i taua rā anō, hei mauhanga i ētahi atu pūtake ka taea e te ratonga manatoko tuakiri igovt te tiki pārongo whaiaro ina tukatuka ana i ngā tono i ngā igovt ID, ka tirohia rānei e te ratonga manatoko tuakiri igovt hei whakaū mēnā rānei e herea ana ētahi panonitanga ki ngā taipitopito o te tangata ki tōna igovt ID, mēnā rānei kua mate te tangata
  • tuhi ka tūhono pea a DIA i te atahanga whakaahua ka hopungia i roto i te tukanga tono igovt ID a te tangata ki te atahanga ka tīkina e DIA i ngā pātengi hekenga a Hīkina Whakatutuki
  • tuhi kāore a DIA e rokiroki i te atahanga ka tīkina mai i aua pātengi raraunga hekenga
  • tuhi e pai ana tā DIA whakamahi i ngā pārongo e kohia ai e ia, ina hāngai ana, hei whakatūturu i ngā taipitopito o te tangata i tukua ki ngā tono mō te tukunga, te whakahounga, te panonitanga, te whakakorenga rānei o tētahi igovt ID
  • muku i te kōrero mō tētahi tukanga (kāore e whakamahia ana) e pā ana ki tā te ratonga takiurunga whakaputa i tētahi tohu, ina hāngai ana, ki ngā kaiwhakarato ratonga kāwanatanga hei te takiurunga whai muri mai o te tangata kua panonitia e taua tangata ōna taipitopito whakapā
  • whakamōhio atu ki te tāngata, hei wāhanga o āna pārongo pūkete, kei a DIA tētahi mauhanga o te wāhi i whakamahia ai e te tāngata tāna igovt ID me te wā me te rā i whākina ai ngā pārongo tuakiri o tētahi tangata ki tētahi kaiwhakarato ratonga e whai wāhi mai ana (me te tuhi hoki kāore a DIA e pupuri pārongo ana mō te tauwhitinga i mahia ki taua kaiwhakarato ratonga)
  • whakamārama i te ara e taea ai te tangata te tiro ki ōna ake mauhanga mahi igovt me ngā kōrero i roto i āna mauhanga
  • tuhi ināianei kua whakaputaina e te ratonga takiurunga tētahi pihikete wāhanga (kāore i te pūmau) tāpiri e kīia nei ko te “CLIENT_KEY”
  • tuhi ka herea pea te urunga o tētahi tangata ki te tiro ki tāna hītori tauwhitinga/igovt ID ina whakatoiharatia tētahi tūhuratanga e te urunga, i runga rānei i ngā take hangarau
  • tuhi e pai ana tā te tangata tono ki te whakakore i tā tāna tamaiti igovt ID ina ko te tangata ko te matua, ko te kaitiaki rānei o te tamaiti, ā, he iti iho ngā tau o te tamaiti i te 14 tau
  • tuhi, mēnā ka kitea e te tangata e hē ana tētahi, neke atu rānei o ngā pārongo igovt ID, ā, e ai ki te tono, ka whakapā atu ia ki te Taupaepae Āwhina igovt, ka tukua pea taua tangata ki te wāhanga e hāngai ana o DIA, o tētahi atu tari rānei koia te pūtake whaimana o te pārongo tuakiri
  • mauhanga i ētahi huringa ki ngā taipitopito whakapā mō te Tari Tūmataiti o DIA
  • whakamārama i te pupuritanga me te porowhiu a DIA i ngā mauhanga igovt ID
  • mauhanga i ētahi atu panonitanga paku taha tuhituhi, taha tāera hoki.

17/01/2013: Ngā huringa ki te tauākī tūmataiti igovt hei:

  • tuhi ka tonoa pea te tangata, ina tono ana i tētahi takiurunga, ki te tuku i te tau waea pūkoro a te tangata mā ngā pātuhi tautoko
  • tuhi, mēnā he kaiwhakamahi igovt kē te tangata, engari kāore anō kia tukuna tana tau waea pūkoro, ka tono auau pea a DIA ki te tangata mēnā rānei e hiahia ana ia ki te whai tautoko mā ngā pātuhi ki te waea pūkoro a te tangata.

25/11/2009: Ngā panonitanga ki te tauākī tūmataiti igovt hei:

  • whakangāwari i te ihirangi kia māmā ake ai te mārama
  • whakauru i ētahi panonitanga nui hei hua o te whakaurunga o te Identity Verification Service (IVS) hei wāhanga o igovt, tae atu ki ngā pārongo e kohia ana, me te āhua o te whakamahi i tērā

1/07/2009: Ngā panonitanga ki te tauākī tūmataiti igovt hei:

  • whakaata i te huringa mai i te GLS ki te parani ratonga takiurunga igovt
  • whakaata i te whakawhitinga o te pupuritanga o te GLS mai i Te Kawa Mataaho ki Te Tari Taiwhenua, i te 1 o Hūrae i te tau 2009.