Te mutunga kē mai nei o te māmā.
Tata ki te kore te wā ka pau i tō waihanga i tō takiurunga RealMe. Ko te tīmatanga tino pai ko te ratonga Kāwanatanga e whāia ana e koe te tomo. Whakaurua tō wāhitau īmēra, waihangatia tētahi ingoa kaiwhakamahi me tētahi kupuhipa pakari, whakautua ētahi pātai haumarutanga ruarua nei - kua rite koe. Oti ana tō whai i tētahi takiurunga RealMe, kua waihangatia hoki tētahi pūkete RealMe māu.
He māmā te whakaoti.
Mā tō pūkete RealMe, ka taea e koe te whakahaere i ngā ratonga RealMe e whakamahia ana e koe, me te kite hoki i te wā, i te wāhi hoki kua whakamahia aua ratonga e koe. He mea nui kia whakahou haere tonu koe i ō taipitopito. Nā, ki te panoni koe i tō tau waea pūkoro, hei tauira, me mātua whakahou koe i taua panonitanga i ō taipitopito pūkete RealMe - mātua rā ki te whakamahi koe i te motuhēhē tukarua.