Me mātua whai au i tētahi tuakiri kua manatokona e RealMe?
Mēnā e mea ana tētahi ratonga 'Takiuru mai mā RealMe', tērā pea ka hiahia anake koe ki tētahi takiurunga RealMe, kaua ko te tuakiri kua manatokona e RealMe. Tirohia Ngā wāhi hei whakamahi i RealMe.
Kia hāpono ko koe anō tēnā. Tūturu nei.
Mā te takiurunga RealMe e takiuru haumaru ai koe ki ngā ratonga tuihono a te kāwanatanga, a ētahi atu anō hoki.
Mā te tuakiri kua manatokona e RealMe e taea ai e koe te hāpono haumaru i tō tuakiri i te ipurangi.
Te urunga tūturu.
Takiurunga RealMe
Ko te takiurunga RealMe, koia te ingoa kaiwhakamahi me te kupuhipa hei whakamahi māu ki ngā ratonga tuihono maha a te kāwanatanga, a ētahi atu anō hoki. Mā konā e takiuru haumaru ai koe ki ētahi ratonga rerekē mā te whakamahi i te ingoa kaiwhakamahi kotahi, i te kupuhipa kotahi hoki. Ka taea te takiurunga RealMe te waihanga mai i te ratonga e hiahia ana koe ki te whakamahi.
Tūturu ake nei.
He tuakiri kua manatokona e RealMe
Ko te tuakiri kua manatokona e RealMe, koia tētahi tuakiri matihiko ka tukua e te kāwanatanga, he mea kōwhiri e āhei ana ki te tūhono ki tō takiurunga RealMe mā te whakaoti i ētahi kaupae ruarua atu anō. He takiurunga RealMe anake e hiahiatia ana e ngā ratonga maha, heoi, ka tono pea ētahi ratonga ki te tuakiri kua manatokona e RealMe ina hiahia aua ratonga kia hāpono koe i tō tuakiri i te ipurangi.
Āe marika
He ratonga ā-taumata Kāwanatanga
Kua kotahi tekau tau ināianei, e tukuna ana e RealMe ngā ratonga takiurunga me te manatoko tuakiri ā-taumata Kāwanatanga ka mōhiotia, ka whirinakitia katoatia e ngā kirirarau me ngā kainoho o Aotearoa. I te wā o te tipatipa me te rangirua o te tuakiri, ka taea e koe te whirinaki ki te mauhanga tuakiri ōkawa mai i te Kāwanatanga o Aotearoa.
Kia mōhio koe ko wai e arohia ana
Mahi hei hoa patui ki RealMe
Mēnā he pakihi koe, he tari Kāwanatanga rānei e whai ana ki te āwhina i ō kaiutu, i ō kiritaki ki te hāpono i ō rātou tuakiri, i te wāhi hoki e noho ana rātou, tāpirihia a RealMe ki tō ratonga tuihono. Mā konei, ka taea e ō kaiutu me ō kiritaki te manatoko whai take i ō rātou tuakiri tuihono mō ngā tini momo pāhekoheko. Mā te ratonga takiurunga o RealMe e āhei ai ngā tāngata ki te uru ki ngā ratonga e tukuna ana e ngā tari Kāwanatanga.
Ngā whakautu tūturu
Kōrero ki te rōpū
Mēnā e hiahia ana koe ki te whakapiki i tō mārama ki tētahi āhuatanga o RealMe, whakapā atu ki tā mātou taupaepae āwhina RealMe 24/7 ki 0800 664 774 ki+64 4 462 0674 rānei.
Mēnā kei te aro mai koe ki te whakamahi i RealMe i tō pakihi, īmēra mai ki a mātou ki business@realme.govt.nz