Kia hāpono ko koe anō tēnā. Tūturu nei.
Ko RealMe te huarahi tino pono hei hāpono ko koe anō tēnā, ā-tuihono nei.
Waihangatia tētahi takiurunga RealMe me te whakamahi kia uru haumaru atu ki ngā ratonga tuihono a te Kāwanatanga.
Kōwhiria tētahi tuakiri kua manatokona e RealMe hei hāpono kia kore ai te rangirua ko koe te tangata e meatia ana e koe.
Takiurunga RealMe
Te urunga tūturu.
Mēnā e hiahia ana koe ki te pāhekoheko ki ngā tari Kāwanatanga, mā te takiurunga RealMe e uru ai koe ki tō pūkete whaiaro i Te Tari Taake, ā, e āhei ai koe ki te whakahou i ō taipitopito kamupene, ki te tono kōkota, ki te uru ki tētahi moni taurewa ākonga, pūtea ākonga rānei me te maha atu. Ka taea e koe te whakamahi i te takiurunga kotahi hei uru atu ki ngā ratonga tuihono e whakamahia ana e koe me ngā tari Kāwanatanga - ka kore te mate ki te maumahara ki ngā ingoa kaiwhakamahi maha me ngā tini kupuhipa!
Waihangatia tētahi takiurunga RealMe ki te pae o te ratonga Kāwanatanga e hiahia ana koe ki te whakamahi.
He tuakiri kua manatokona e RealMe
Tūturu ake nei.
Ka taea e koe te whakamahi i tētahi tuakiri kua manatokona e RealMe i ngā horopaki me mātua mōhio te tangata ko wai te tangata e arohia ana i mua i tāna āwhina atu i a koe. Whakamahia tētahi tuakiri kua manatokona e RealMe hei whakatuwhera i tētahi kaute pēke, hei whakauru ki te pōti me te maha noa atu o ngā mahi.
He ratonga ā-taumata Kāwanatanga
Āe marika.
Kua kotahi tekau tau ināianei, e tukuna ana e RealMe ngā ratonga takiurunga me te manatoko tuakiri ā-taumata Kāwanatanga ka mōhiotia, ka whirinakitia katoatia e ngā kirirarau me ngā kainoho o Aotearoa. I te wā o te tipatipa me te rangirua o te tuakiri, ka taea e koe te whirinaki ki te mauhanga tuakiri ōkawa mai i te Kāwanatanga o Aotearoa.
Mahi hei hoa patui ki RealMe
Kia mōhio koe ko wai e arohia ana.
Mēnā he pakihi koe, he tari Kāwanatanga rānei e whai ana ki te āwhina i ō kaiutu, i ō kiritaki ki te hāpono i ō rātou tuakiri, i te wāhi hoki e noho ana rātou, tāpirihia a RealMe ki tō ratonga tuihono. Mā konei, ka taea e ō kaiutu me ō kiritaki te manatoko whai take i ō rātou tuakiri tuihono mō ngā tini momo pāhekoheko. Mā te ratonga takiurunga o RealMe e āhei ai ngā tāngata ki te uru ki ngā ratonga e tukuna ana e ngā tari Kāwanatanga.
Kōrero ki te rōpū
Ngā whakautu tūturu.
Mēnā e hiahia ana koe ki te whakapiki i tō mārama ki tētahi āhuatanga o RealMe, whakapā atu ki tā mātou taupaepae āwhina RealMe 24/7 ki 0800 664 774 ki+64 4 462 0674 rānei.
Mēnā kei te aro mai koe ki te whakamahi i RealMe i tō pakihi, īmēra mai ki a mātou ki business@realme.govt.nz